குழந்தை பாடல் - சின்ன சின்ன ஆசை

சின்ன சின்ன பூவே லாஃபி ராமா பூவே
முத்து முத்து பூவே முத்தம் தரும் பூவே
வெண்ணிலவு போலே வெளிச்சம் தர வேண்டும்
கண்ணின் மணியாக கொஞ்சி விட வேண்டும்!

(சின்ன)

கவலைகளை மறந்து செல்லக்கிளி உன்னை
அன்பு செல்லும் வழியில் அரவணைக்க வேண்டும்!
மேகங்களின் மழையாய் மகிழ்ச்சி தர வேண்டும்
சோகங்களையெல்லாம் விட்டு விட வேண்டும்!
ஆரிராரோ என்று அணைத்து பாட வேண்டும்!!

(சின்ன)

புத்தம் புது வாழ்வில் புன்னகைக்கும் உறவே
நித்தம் நித்தமிங்கு நினைவிலாடும் வரவே!
பெற்றவர்கள் மகிழ்ந்து போற்றுகின்றோம் கண்ணே,
சுற்றம் போற்றி வாழ வாழ்த்துகிறோம் கண்ணே!
கல்புகனியாக வளர்ந்திடுவாய் மணியே!

(சின்ன)

-சுமஜ்லா

ஒரிஜினல் பாடல் இதோ:

சின்ன சின்ன ஆசை சிறகடிக்க ஆசை
முத்து முத்து ஆசை முடிந்துவிட ஆசை
வெண்ணிலவு தொட்டு முத்தமிட ஆசை
என்னையிந்த பூமி சுற்றிவர ஆசை

(சின்ன)

மல்லிகைப் பூவாய் மாறிவிட ஆசை
தென்றலைக் கண்டு மாலையிட ஆசை
மேகங்களையெல்லாம் தொட்டுவிட ஆசை
சோகங்களையெல்லாம் விட்டுவிட ஆசை
கார்குழலில் உலகைக் கட்டிவிட ஆசை

(சின்ன)

சேற்று வயலாடி நாற்று நட ஆசை
மீன் பிடித்து மீண்டும் ஆற்றில் விட ஆசை
வானவில்லைக் கொஞ்சம் உடுத்திக்கொள்ள ஆசை
பனித்துளிக்குள் நானும் படுத்துக்கொள்ள ஆசை
சித்திரத்து மேலே சேலை கட்ட ஆசை

(சின்ன)
.

Tweet