Friday, June 19, 2009

கனவின் சிறகுகள்


பள்ளியிறுதி நாட்களிலே எழுதியது...

சிறகது வளர்ந்து சிந்தை மயங்கிப்
பறக்கத்துடிக்கும் பைங்கிளிகள்
பாடும் பாட்டில் பரவசமாகி
தேடும் ஆழ்ந்த உணர்வலைகள்.

நமக்கு நாமே வகுத்தபாதையில்
சுமப்போம் பழைய நினைவலைகள்
நினைவலை மிகுந்து ததும்பிநிற்பதால்
வினை மறந்திட்ட வேதனைகள்.

வேதனையனைத்தும் தாண்டிவந்திட்டால்
சோதனைவிரிக்கும் விதிவலைகள்
விந்தைகள் காண விழியிதழ்மூடிச்
சிந்தை மறந்த உறக்கங்கள்.

கனவுகள் நோக்கி சிறகுகள் விரித்து
நினைவுகள் நீங்கிய நித்திரைகள்.
உணர்வுகள்தொடரும் உறவுகள்மலரும்
மனக் கண் விழித்துத் துயிலெழுங்கள்.

மதிமுகம் பார்த்துக் கனவுகள்வளர்க்கும்
புதிர்கள் நிறைந்த பருவங்கள்
இனியெதைக் கண்டு இதயம் மகிழ்வோம்
இனி நாம் வேறு துருவங்கள்.

-சுமஜ்லா

3 comments:

தமிழினி said...

உங்கள் பதிவு தமிழ்10 தளத்தில் முதல் பக்கத்தில் பிரசுரமாகலாம்


உங்கள் வலைத்தளத்தை மெருகூட்டுவதற்காக இப்போது தமிழ்10 தளம் தமிழ்10 -டூல்ஸ் என்னும் பெயரில் பல வசதிகளை இணைத்துள்ளது

இதில் குறிப்பாக
1-இணையதளத்தில் முதன் முறையாக தமிழில் hits counter
2-ஓட்டளிப்புப் பட்டை
3-இவ்வார கிரீடம்
4-சிறப்புப் பரிசு
5-புத்தம்புதிய அழகிய templates
6-கண்ணை கவரும் gadgets
ஒரு முறை வந்து பாருங்கள்
முகவரி http://tamil10.com/tools.html

வண்ணத்துபூச்சியார் said...

அருமை.

வாழ்த்துகள்.

வண்ணத்துபூச்சியார் said...

அருமை.

வாழ்த்துகள்.