லைட் எரியும் வலைதளம்

பொதுவாக எந்த ஒரு வலைதளத்தில் புது விஷயங்கள் பார்த்தாலும், நான் அதன் சோர்ஸ் கோட் பார்த்து, அதைப் பற்றித் தெரிந்து கொள்வேன். பிடித்திருந்தால், என் தளத்திலும் அதைப் புகுத்துவேன். ஆனால், அழகியலோடு, அற்புதமாக என்னைக் கவர்ந்த வலை தளம் ஒன்று உள்ளது. அதைப் போல், என் தளத்தை உருவாக்க, நான் எடுத்த முயற்சி இதுவரை கைகூடவில்லை.

அத்தளத்தில், வலதுபுறம், லைட் ஸ்விட்ச் உள்ளது. அதை ஆன் செய்தால், லைட் எரிவது போன்ற எஃபக்ட் தெரிகிறது. ஆஃப் செய்தால், இரவு போன்ற தோற்றம் வருகிறது. அதிலும், காலை நேர தோற்றத்தில், இலைகள் உதிர்வது போல அமைக்கப்பட்டிருப்பது இன்னும் அழகு.

முனைவர் ரா. குணசீலன், சில வலைதளங்களில் பனி கொட்டுவது எப்படி? என்று பின்னூட்டத்தில் கேட்டவுடன், இத்தளத்தைப் பற்றி ஒரு போஸ்ட் எழுதத் தோணியது.

இத்தளத்தில், இரண்டு டெம்ப்ளேட், இரவுக்கு ஒன்றும் பகலுக்கு ஒன்றுமாக வைத்திருக்கிறார்கள். ஸ்விட்சை அழுத்தினால் மாறிக் கொள்வது போல ஜாவா ஸ்க்ரிப்ட் எழுதியிருக்கிறார்கள்.

இதோ நான் கண்டு ரசித்ததை நீங்களும் ரசியுங்கள். Singapore Food Blog.

எனக்கு நேரமில்லாததால், இது போன்ற ஒரு டெம்ப்ளேட்டை உருவாக்கும் முயற்சியை சற்று ஒத்தி வைத்திருக்கிறேன். என்றாவது ஒரு நாள் கை கூடும்.

-சுமஜ்லா.

Tweet