பாட்டு கேட்க வாங்க

கொஞ்ச நாளைக்கு ஒரு முறை மூச்சு விடாம பாடி பேர் வாங்கணும்னு நினைக்கறது, இப்ப, தமிழ் பட உலகத்துல பேஷனாயிருச்சு. அதிலயும் பாருங்க, இந்த பாட்ட கேட்டு அதிர்ந்து போயிட்டேன். எப்படி இவருக்கு இவ்வளவு தமிழ்(!) வார்த்தைகள் கிடைத்தது?

இதுல சிலது கேட்கும் போது, எனக்கு பழைய நினைவுகள் வந்தது. அத மட்டும் சொல்கிறேன். இதோ முதல் பாரா....

“கூழு, சுண்டலு, வேர்கடலை, வத்தகறி, வடுமாங்கா, சுன்டகஞ்சி, சுட்டவடை, மக்காச்சோளம், நீர்மோரு, பேட்டரிதண்ணி, இளநி, இராதொக்கு, உப்புகண்டம், பழையசோறு, டிகிரிகாப்பி, இஞ்சிமொறப்பா, கடலமுட்டாய், கம்மர்கட்டு, வெள்ளரிக்கா, இழந்தபழம், குச்சிஐசு, கோலிசோடா, முறுக்கு, பஞ்சுமுட்டாய், கரும்புசாறு, மொளகாபஜ்ஜி, எள்ளுவடை, பொரிஉருண்டை, ஜிகிருதண்டா, ஜீராத்தண்ணி, ஜவ்வுமுட்டாய், கீரவடை, கிர்னிபழம், அவுச்சமுட்டை, ஆஃப்பாயில், பல்லிமுட்டை, பப்பாளி, புகையிலை, போதைபாக்கு, புண்ணாக்க்கு..

இதெல்லாம் டூப்பு, பிட்சா தான் டாப்பு
இதெல்லாம் டூப்பு, பிட்சா தான் டாப்பு
இதெல்லாம் டூப்பு, பிட்சா தான் டாப்பு”

என்னுடைய பொழிப்புரை:

கூழு - மோர் விட்டு, வெங்காயம் கடிச்சு அதிகாலை குடிக்கும் ராகி கூழ்.

சுண்டலு - தேங்கா, மாங்கா பட்டாணி சுண்டல்.

வேர்கடலை - பேப்பர் கோன் மட்டும் பெரிசா இருக்கும், உள்ள சரக்கு கொஞ்சூண்டு.

வத்தகறி - தெரியாது.

வடுமாங்கா - அய்யர் வீட்டு அம்புஜவல்லி, பள்ளி நாளில் கொண்டு வருவது.

சுண்டகஞ்சி - தெரியாது.

சுட்டவடை - ரம்ஜான் மாசம் மட்டுமே கிடைக்கும், ‘பூ(boo)’ சுடும் தட்டப்பயிறு வடை.

மக்காசோளம் - எனக்கு தெரிஞ்சது கார்ன் புளோர் மாவு.

நீர்மோரு - மிளகு, இஞ்சி தட்டிப் போட்டு, நறுக்கிய வெள்ளரியுடன் கொத்துமல்லி தூவி குடிச்சா, அடடா அமிர்தம்.

பேட்டரி தண்ணி - தெரியாது்(சாராய ஊரலில், பழைய பேட்டரி போடுவாங்கன்னு கேள்விபட்டிருக்கிறேன். அதுவா?)

இளநி - பொள்ளாச்சியில் குடிச்ச டேஸ்ட் எங்கயும் குடிச்சதில்லை.

இராதொக்கு - தெரியாது.

உப்புக்கண்டம் - பக்ரீத்தில் போட்டு, ஒரு வருஷம் வரை பதப்படுத்தி, சுத்தியலில் தட்டி, பொரித்து சாப்பிடுவது.

பழைய சோறு - சின்ன வெங்காயத்தோடு சாப்பிட, இன்னிக்கும் என் பேவரிட்.

டிகிரிகாப்பி - டேஸ்ட் பண்ணியதில்லை.

இஞ்சிமுறப்பா - இப்பொழுதெல்லாம் பாக்கெட்டில் வேல்யூ ஏடட் ப்ராடக்டாக வருகிறது.

கடலமுட்டாய் - 10 பைசாக்கு 2 கிடைக்கும் சின்ன வயசில்.

கமர்கட் - ஆடிக் கொண்டிருந்த பல், இதைக் கடிக்க விழுந்த கதை மறக்க முடியாதுங்க.

வெள்ளரிக்கா - இளசா இருந்தா, சூப்பர். முத்தினால் தோல் சீவி சாப்பிட அருமை.

இலந்தபழம் - இலந்த பழம், இலந்த பழம், ஹூம் செக்க சிவந்த பழம்....

குச்சிஐசு - இன்னிக்கும், மாமனார் தயவில், வீட்டுல் எல்லாருக்கும் சப்ளை ஆகும், குறிப்பா பால் ஐஸ்.

கோலிசோடா - இப்ப இத கண்ணுலயே காணோம்.

முறுக்கு - மாப்பிள்ளை முறுக்கு அல்லங்க, இது ஒரிஜினல் கறுக்கு முறுக்கு...

பஞ்சுமுட்டாய் - பெரிய பாட்டியின் வெள்ளை முடியில், ரோஸ் பவுடர் கொட்டி, ரொம்ப நாள் நாங்க பஞ்சு முட்டாய்னு கேலி செய்த நினைவு வருது.

கரும்புசாறு - சின்ன மிஷின்ல பிழியறது நல்லா இருக்காதுன்னு, பெரிய மிஷின்ல பிழியறத தேடி வாங்கிக் குடிப்போம்.

மொளகாபஜ்ஜி - திருவிழா ஸ்பெஷல். நேற்றுகூட வீட்டில் சுட்டேன்.

எள்ளுவடை - தெரியாது.

பொரிஉருண்டை - ரொம்ப பிடிக்கும்; கலருக்கு ஒன்றாய் வாங்கி சாப்பிடுவேன்.

ஜிகிருதண்டா - இன்னிக்கும் ஜிகிருதண்டா விற்பவரின் ரெகுலர் கஸ்டமர், என்னவர்; பார்சல் வாங்கி வருவார்.

ஜீராத்தண்ணி - கேரளாகாரங்க, கொண்டு வருவாங்களே அதுவா?

ஜவ்வுமுட்டாய் - அஞ்சு பைசாவுக்கு அபிக்கா கடையில நிறைய தருவாங்க.

கீரவடை - தெரியாது (அ) பிடிக்காது.

கிர்னிபழம் - முலாம்பழமா?

அவுச்சமுட்டை - இதுல போண்டா சுட்டா சூப்பர்.

ஆஃப்பாயில் - பள்ளிக் காலத்தில், மதியம் தொட்டுக் கொள்ள தினமும் இதுதான்.

பல்லிமுட்டை - உவ்வேக்

பப்பாளி - இப்ப தான் எங்க வீட்டுல, சின்ன செடியா இருக்குங்க.

புகையிலை - பாட்டிமாருங்க போடுற சமாச்சாரம்.

போதைபாக்கு - பான் பராக்கா?

புண்ணாக்க்கு - இதெல்லாம் படிச்சிட்டு, போடா புண்ணாக்குனு என்ன திட்டுறது கேக்குதுங்க!


மொத்தத்துல, எல்லாத்துக்கும் பொழிப்புரை எழுத தான் உட்கார்ந்தேன், ஆனா இதுக்கே மூச்சு வாங்குதுங்க. மீதிக்கும் எழுதி தமிழை வாழ(!) வைக்க யாராவது முன் வருவாங்க! காத்திருப்போம்!


“அண்ணன், அண்ணி, நாத்தனார், மாமியாரு, மாமனாரு, ஓரகத்தி, சக்காளத்தி, தம்பிகாரன், தங்கச்சி, சித்தப்பன், பெரியப்பன், பாட்டன், முப்பாட்டன், பேத்தி, கொள்ளுபேத்தி, பேரன், கொள்ளுபேரன், பொண்டாட்டி, வப்பாட்டி, நல்லபுருஷன், கள்ளபுருஷன், மச்சினிச்சி, மாமனாரு, கொழுந்தனாரு, கொழுந்தியா, மூத்தாரு, பாட்டி, பூட்டி, அக்காப்பொண்ணு, அத்தைபொண்ணு, காதலன், காதலி, டாவு, டைம்பாஸு, தாய்மாமன், பங்காளி, தம்பிபுள்ள, தத்துபுள்ள, சகலை, சம்பந்தி, முறைமாமன், முறைபொண்ணு, தலைச்சன்புள்ள, இளையபுள்ள, இளையதாரம், தொடுப்பு, ஒண்ணுவிட்டது, ரெண்டுவிட்டது, ரத்தசொந்தம், மத்தசொந்தம், ஜாதிக்காரன், பொண்ணெடுத்தவன், பொண்ணுதந்தவன்..

இதெல்லாம் டூப்பு, நண்பன் தான் டாப்பு
இதெல்லாம் டூப்பு, நண்பன் தான் டாப்பு
இதெல்லாம் டூப்பு, நண்பன் தான் டாப்பு

சோகம், அழுகை, சோம்பல, காதல்தோல்வி, கடுப்பு, எக்ஸாம்பெயிலு, எரிச்சல், வெறுப்பு, வேதனை, கோபம், பிரிவு, நஷ்டம், படபடப்பு, பழிவாங்கல், பாவம், போட்டுகுடுத்தல், பொறாமை, கிண்டல், இளப்பம், எச்சபுத்தி, இறுமாப்பு, சகுனிவேல, சதிச்செயல், கோழ்மூட்டல், குறுக்குபுத்தி, ஒட்டுகேட்டல், ஓரவஞ்சனை, பொய், புழுகுமூட்டை, டகுல்வேலை, டப்பாங்குத்து, அரக்கத்தனம், பீலா, பில்டப்பு, பிசாத்து, கொள்ளிகண்ணு, குசும்பு, சின்னத்தனம், சின்டுமுடி, அல்லக்கை, அல்பம், டேறுமாறு, டிமிக்கி, ஊழ உதாரு, ஒப்பாரி, ஜால்ரா, ஜெர்க்கடித்தல், திருட்டுவேலை, தில்லுமுல்லு, சண்டித்தனம்..

இதெல்லாம் டூப்பு, ஜாலி தான் டாப்பு
இதெல்லாம் டூப்பு, ஜாலி தான் டாப்பு
இதெல்லாம் டூப்பு, ஜாலி தான் டாப்பு

குப்புசாமி, கோயிஞ்சாமி, முனுசாமி, முத்துசாமி, க்ருஷ்ணசாமி, மாடசாமி, மயில்சாமி, வேலுசாமி, வீராச்சாமி, கன்னுச்சாமி, கருப்புசாமி, வெள்ளச்சாமி, பழனிச்சாமி, குருசாமி, கோட்டசாமி, சின்னசாமி, பெரியசாமி, ஆறுச்சாமி, அழகுச்சாமி, அப்பாச்சாமி, கொண்டசாமி, வேட்டசாமி, வெங்கிடசாமி, தங்கசாமி, பெருமாள்சாமி, நாரயணசாமி, சிவச்சாமி, சீறுச்சாமி, சடையச்சாமி, சந்தரசாமி, வெள்ளச்சாமி, குயில்சாமி, குமாரசாமி, கொதண்டசாமி, அங்குசாமி, துரைச்சாமி, பொன்னுச்சாமி, அய்யாச்சாமி, அண்ணாச்சமி, நல்லசாமி...

இதெல்லாம் டூப்பு, கந்தசாமி தான் டாப்பு
இதெல்லாம் டூப்பு, கந்தசாமி தான் டாப்பு
இதெல்லாம் டூப்பு, கந்தசாமி தான் டாப்பு”

-சுமஜ்லா.
.
.
.

Tweet