என் அனாலிடிக்ஸ் ரிப்போர்ட்

இது என்னுடைய 200 வது இடுகை! நான் ப்ளாகில் நம் குரல் என்னும் நூறாவது இடுகை போட்ட போது, அன்பர் ஒருவர், ‘நூறு என்ற மாய எண் உங்களை வேகமாக செலுத்தியுள்ளது’ என்று பின்னூட்டத்தில் குறிப்பிட்டிருந்தார். ஆனால், முதல் நூறு இடுகைக்கு நான் எடுத்து கொண்ட காலகட்டம், கிட்டதட்ட ஐந்து மாதங்கள். இப்போது அடுத்த நூறு இடுகை என்ற இலக்கு சுமார் இரண்டு மாதம் கூட ஆவதற்கு முன்னால் எட்டிவிட்டேன். 200வது இடுகைக்கு அட்வான்ஸாக வாழ்த்து சொன்ன நிஜாம் அண்ணாவுக்கு நன்றிகள்.

எப்படி இவ்வளவு இடுகைகள் இவ்வளவு வேகமாக போடுகிறீர்கள் என்று பலபேர், பின்னூட்டத்திலும் மெயிலிலும் கேட்டிருக்கின்றனர். அதற்கு என்ன பதில் என்று சொல்ல தெரியவில்லையென்றாலும், எனக்கு தோணியதை பதிவாக எழுதுகிறேன், அவ்வளவு தான்! சப்பை மேட்டரை கூட, எழுதும் விதத்தில் எழுதினால், ரசிப்பார்கள்!

நிறைய எழுத ஆசை...நேரம் கிடைக்காததனால், என்ன எழுத வேண்டும் என்று நினைக்கிறேனோ, அதை தலைப்பாக போட்டு, டிராஃப்டாக சேமித்து கொள்வேன். பின் நேரம் கிடைக்கும் போது கொஞ்சம் கொஞ்சமாக டைப் செய்வேன். இது தான் நான் பின்பற்றும் முறை! இப்படி செய்யாவிட்டால், என்ன எழுத நினைக்கிறோமோ, அது மறந்து போய் விடுகிறது!

இப்ப கூட பாருங்கள், என் ப்ளாகின் டேஷ் போர்டு படத்தை! மொத்தம் 256 இடுகைகள் என்று காட்டும். ஆனால், இது 200வது இடுகைதான்.
என்றாலும், நான் ஒரு ஃபார்முலா வைத்திருக்கிறேன். அதாவது, ஒரு கவிதை, ஒரு பாடல், ஒரு டெக்னிக்கல், ஒரு சிறுகதை என்பது போல...அனைத்து ரசனைக்காரர்களும் விரும்பி படிக்க வேண்டும் என்பது தான் என் குறிக்கோள்! அதற்காக கொஞ்சமல்ல, நிறைய மெனக்கெட்டிருக்கிறேன்!

கற்பனை என்றுமே வற்றியதில்லை, ஆனால், காலம் பற்றுவதில்லை! என்ன செய்வது, இப்போது, காலேஜ் போய் வந்தால், ரொம்ப அலுப்பாக இருக்கிறது. கம்ப்யூட்டரில் உட்காரவே நேரமிருப்பதில்லை. இரவு தூக்கம் முழித்தால், காலேஜில் தூக்கமாக வருகிறது. அதிலும் என்னை வகுப்பு லீடராக போட்டுள்ளார்கள். லீடரே தூங்க முடியுமா? லீடர் பதவியால் கூடுதல் பொறுப்பு வேறு.

அடுத்த வாரம் எலக்‌ஷன் காலேஜில்...அதில் சேர்மன், செக்ரேட்டரி எல்லாம் தேர்ந்தெடுப்பார்களாம்... அதோடு, மதியம் உணவு இடைவேளையில், தமிழ் மீடியத்தில் படித்த வந்த ஒரு பத்து, பதினைந்து பேருக்கு, நான் ஆங்கிலம் சரளமாக பேச கற்று கொடுத்து வருகிறேன்.

பி.எட் என்பது சாதாரண விஷயம் இல்லை. ஏகப்பட்ட ரெகார்ட்ஸ், அசைன்மெண்ட்ஸ், கேம்ப், டீச்சிங் ப்ராக்டிஸ் எல்லாம் இருக்கிறது. லேப் டாப் ஒன்று வாங்கி காலேஜ் எடுத்து போகணும், அதில் டேட்டா கார்டு போட்டு நெட் அக்ஸஸ் பண்ணனும் என்றெல்லாம் நினைத்திருந்தேன். ஆனால், இப்போ, பார்த்தால், அங்கே ஃப்ரீ டைமே கிடைக்காது போலிருக்கிறது. ரெகார்டு நோட் மட்டும் 20, அதோடு சார்ட் மற்றும் மாடல்ஸ் 40, அசைன்மெண்ட்ஸ் என டைட் செட்யூல்!

விஷயத்துக்கு வருகிறேன். என் ப்ளாகின் அனாலிடிக்ஸ் ரிப்போர்ட்டிலிருந்து சில பகுதிகளை இங்கே தருகிறேன்! இதை உங்கள் ரிப்போர்ட்டுடன் ஒப்பிட்டு பார்த்துக் கொள்ளுங்கள். இது எல்லாம் உண்மையான ரிப்போர்ட்ஸ். எந்த ஒளிவு மறைவுமில்லை!

என் ப்ளாகுக்கு, SUMAZLA என்ற பிக்சரின் மூலம் லின்க் கீழ் கண்ட நண்பர்கள் தந்திருக்கிறார்கள்.

http://maran.0fees.net/Tamil_Index.php
http://tamizhkadalan.blogspot.com/
http://adiraipost.blogspot.com/
http://dpraveen03.blogspot.com/
http://www.masusila.blogspot.com/

அதோடு, தங்கள் ப்ளாக் லிஸ்ட்டில் எனக்கு இடம் தந்திருக்கும், பாசத்திற்குரிய நட்புள்ளங்கள்:
http://www.vadakaraivelan.com/
http://lawforus.blogspot.com/
http://sshathiesh.blogspot.com/
http://chinthani.blogspot.com/
http://arurs.blogspot.com/
http://faizakader.blogspot.com/
http://srivaimakkal.blogspot.com/
http://majinnah.blogspot.com/
http://fromtamil.blogspot.com/
http://kavikilavan.blogspot.com/
http://espalani.blogspot.com/
http://edakumadaku.blogspot.com/
http://buafsar.blogspot.com/
http://mathurjaleel.blogspot.com/
இவர்களுக்கு என் நன்றியை காணிக்கையாக்குகிறேன்...இவர்களுள் http://vadakaraivelan.blogspot.com/ என்ற லின்க் மூலமாக அதிக நபர்கள் வந்திருக்கிறார்கள். நன்றி வேலன்! விடுபட்டவர்கள், சொன்னால், இதில் சேர்த்துக் கொள்கிறேன்.

இது எல்லாவற்றையும் விட, ஒரு நபர், படு புத்திசாலித்தனமாக, தன் ஈமெயில் போஸ்டிங் லின்க்கை என் ஃபீட் பர்னர் ஈமெயில் சப்ஸ்க்ரிப்ஷனில் கொடுத்திருக்கிறார்... அவருடைய இந்த ப்ளாகில், http://asainayagi.blogspot.com/ என்னுடைய எல்லா போஸ்டிங்கும் அப்படியே போஸ்ட் ஆகிறது... அது மட்டுமல்ல, அவருடைய ஈமெயில் போஸ்ட்டிங் லின்க் எனக்கு தெரியும் என்பதால், ஓரிரு முறை அதன் மூலம் அவருடைய ப்ளாகில், அவர் செய்வது சரியல்ல என்று பதிவிட்டேன். ஈமெயில் சப்ஸ்க்ரிப்ஷனை நான் டீ-ஆக்டிவேட் செய்யலாம். சற்று பொறுப்போம், என்று விட்டு வைத்துள்ளேன். இப்படியும் சிலர்!

என் ப்ளாகுக்கான ட்ராஃபிக்கில், முதல் ஐந்து இடங்களில் இருக்கும் சைட்டுகளையும், அதன் மூலம் வந்தவர் எண்ணிக்கையையும் கீழே படத்தில் பார்க்கலாம். இது கடந்த ஒரு மாதத்துக்கான ரிப்போர்ட் ஆகும்!
அதோடு, கடந்த ஒரு மாதத்தில்(Aug 8 - Sep 7), எந்த நாட்டிலிருந்து எத்துணை நபர்கள் வந்திருக்கிறார்கள், அவர்கள் சைட்டில் செலவிட்ட ஆவரேஜ் நேரம் என்ன போன்ற விவரங்களில், டாப் 10 மட்டும் கீழே உள்ள படத்தில் உள்ளது!
மேலே படத்தில் பார்க்கும், 11,654 விசிட்களில், எத்துணை பேஜ் வியூஸ், எவ்வளவு பேர் புதியவர்கள் போன்ற விவரங்களை, கீழே பார்க்கலாம். இதுவும், ஆகஸ்ட் 8 துவங்கி, செப்டம்பர் 7 வரையிலான ஒரு மாதத்துக்கானது!
மொத்தம் 18,650 பேஜ் வியூஸ் என்றாலும், அனாலிடிக்ஸில் இணைத்ததில் இருந்து இது வரைக்கும் மொத்த பேஜ் வியூஸ் 50,000க்கும் மேல்! அதிகப்பட்ச பேஜ் வியூஸ், ஆகஸ்ட் 19 அன்று(1094)!

அதிகம் படிக்கப்பட்ட முதல் பத்து இடுகைகள், கீழே:
1.இது பெண்கள் ஏரியா, உள்ளே வராதீங்க!
2.பகல் இரவாய் மாறும் அதிசய டெம்ப்ளேட்
3.அடுத்தவர் கணினியை கண்ட்ரோல் செய்ய
4.அந்தரங்கம் - எப்படி ஹலாலானாள்?
5.உங்கள் வலைப்பூவை புத்தகத்தில் இணைக்க
6.கொடைக்கானல் போகிறீர்களா?
7.ப்ளாக் எழுதுபவர்களுக்கு
8.ஐ யெம் எ காலேஜ் கேர்ள்
9.அந்தரங்கம் - முஸ்லிம் முர்தத் ஆனால்
10.புது பதிவர்களுக்கு சில டிப்ஸ்

ஓரிரு மாதங்களுக்கு முன், எட்டு லட்சத்தி சொச்சத்தில் இருந்த என் ப்ளாகின் அலெக்ஸா ரேங்க்கிங், இன்றைய நிலவரப்படி, 394,355 ஆக முன்னேறி உள்ளது, இதை http://www.popuri.us/ என்ற தளத்தின் மூலம் யார் வேண்டுமானாலும், எந்த சைட்டுடையதையும் பார்த்துக் கொள்ளலாம்.

என் ஃபாலோவர்ஸ் எண்ணிக்கை 150 என்றாலும், சீக்ரெட் ஃபாலோவர்ஸ் 11 பேர், அதோடு நான் block செய்த ஃபாலோவர் ஒருவர் ஆக, மொத்தம் 162 பேர். இதை கீழ் காணும், கூகுள் ப்ரெண்ட் கனெக்ட் ரிப்போர்ட்டில் காணலாம்.
ஃபீட் பர்னர் ஈமெயில் மூலம் என் இடுகைகளுக்கு சப்ஸ்க்ரைப் செய்திருப்பவர்கள், 35 பேர்!

இந்த பதிவின் நோக்கம், புதியவர், அனாலிடிக்ஸ் தரும் வசதிகளை தெரிந்து கொள்ளவேண்டும் என்பதோடு, என் ப்ளாகை தம் ப்ளாகோடு, ஒப்பீடு செய்து பார்த்துக் கொள்ளலாம்!

என் நூறாவது இடுகையின் போது நான் சொன்னேன், இனி தினம் தினம் பதிவு போட முடியாது என்று...ஆனால், தொடர்ந்து போட்டேன்! இனிமேல் அப்படி முடியாது..., வாரம் இரண்டு அல்லது மூன்று பதிவு போடுவதே கஷ்டம்! குறைவாக பதிவு போட்டாலும், தொடர்ந்து, என் நண்பர்கள் படிப்பார்கள், என்ற நம்பிக்கை இருக்கிறது!

நட்புடன்

-சுமஜ்லா.
.
.

Tweet